ياشلة بهذلوني ياشلة غربلوني
ياشلة صرقعوني وبالعجة ضيعوني
****
قالوا لي انت المصرقع عز الله انك مقرقع
نبيك معنا تطرطع مانبغى الا المقلع
****
قالوا لي لازم تفحط وبالشوارع تخابط
نصيحة لالا تفرط خوينا مايتورط
****
نبيك تبدع بالطارة نبيك ترج الحارة
فراقكم يالعرابجة سبب لنا الخسارة
****
جاوبتهم يا شباب ترا طلبكم مجاب
ابكامري او دباب خربها ابو عراب
****
وقمت افحط بالموتر مسوي فيها السوبر
والعالم قامت تجمهر ياناس جانا الجوكر
****
ومن العقدة العكسية تنطل روحة وجية
وطبلوني فوق المية ابو عراب مافيه زيه
****
وقمت اشرب من المسكر والحقه بالمخدر
والتفحيط مالت عيوني افحط وانا مبنشر
****
وفجأة والله ياناس مصيبه توجع الراس
والسرعة راحت خياس وابو عراب جاه وسواس
****
رقينا ذاك المطب وقلنا استر يارب
والمشكلة ياعرب البنزين من تحت صب
****
الموتر قب وانفجر صديقي راح للقبر
حقيقة مافيها سر عبرة للي يعتبر
****
والجمهور قالوا غشيم لا عاد تسوق يالئيم
تفحيطك كله سقيم تفحيطك تفحيط حريم
****
وقصتي والله عبرة جربت أنا وعندي خبرة
حياتي كلها سكرة وضياع وخمرة وطبله
****
هذا الدرب وعرفتوه لا تدخلونه وخلوه
تكفون ياعالم خلوه الطيبين مالفوه
الجمعة يوليو 18, 2008 4:26 pm
